【爸爸嘅噩夢】甄子丹任達華女名模基因爆發 囡囡遺傳10頭身超索出道?

锅包肉 2019/07/19 檢舉 我要評論

任達華同名模琦琦嘅女兒任晴佳(Ella)擁有無敵長腿,遺傳了阿爸阿媽優良基因,成為最有潛質星二代之一,但因為年紀太細,所以父母都唔想佢太早入娛樂圈,琦琦仲幫阿女推咗唔少Job。

Ella之前仲係一粒豆~

今年14歲嘅Ella終於得到阿媽開綠燈,為雜誌拍攝寫真,仲成為該本雜誌創刊以嚟最年輕嘅Cover Girl!琦琦就趁拍攝期間影咗花絮開心Share,仲用無敵低炒角度拍攝,影本身已經好修長嘅Ella十頭身,著上及膝絲襪加高跟鞋咁難Carry嘅配搭都咁有氣質,名模架勢出曬嚟!佢仲喺7月12日開通埋微博,短短半個月已經吸咗近一萬個粉絲,前途認真無可限量。

爸爸任達華都好Proud of囡囡:「佢身形比例似足媽咪,雙腳仲長過我,不過暫時我唔鼓勵佢拍戲,女仔捱更抵夜唔係咁好,屋企已經有一個我(拍戲)喇,亦私心希望佢多啲時間陪我。」

佢又表示愛女最好輕輕鬆鬆影靚相,為佢嘅成長留低倩影就得喇,即使做模特兒行Cat Walk他亦唔批准。不過佢就好似唔係好知Ella開通咗微博吸納粉絲:「好似係啩,不過呢幾日我忙緊,未有時間同佢傾偈。」

華哥點會捨得寶貝女辛苦!

除咗任晴佳之外,甄子丹囡囡Jasmine都遺傳咗Model媽媽汪詩詩嘅超級大長腿,年頭都有幫雜誌做硬照模特兒,氣質出曬嚟。除咗外形得之外,15歲嘅Jasmine從小已經習琴練舞,曾有經理人公司希望將佢羅致旗下,但礙於年紀尚輕,Jasmine父母未有答應。

細細個就好精靈!

有阿媽(中)嘅長腿基因真係贏係起跑線上。

不過甄子丹曾接受訪問提及過,三個仔女學業成績不俗,而講到具唱歌跳舞的天份,就非女兒莫屬。甄子丹勁讚囡囡天生就係走幕前路線嘅人,不過由於佢喺片場對所有人都好嚴厲,自己唔捨得鬧阿女,所以唔會為佢安排拍戲,但唔反對愛女入行。

延伸閱讀:

72歲甄珍不適緊急送醫!「因摔倒落病根」前夫43年破冰來台 -不計前嫌陪伴「兒不反對兩人復合」

劉德華「罕聊老婆朱麗倩」眼神滿是愛 情牽32年承諾:「當選擇了一個人,在一起每一天都別傷對方」

用戶評論
你可能會喜歡