【藝訓班出身】葉暐捱18年低薪黯然離開無綫 馬國明同期大口九星途暗淡

锅包肉 2019/07/19 檢舉 我要评论

2000年嘅無綫第14期藝員訓練班出身嘅藝員只有9個,其中馬國明、吳卓羲都受到無綫力捧做當年嘅「奧運六星」,不過同人唔同命,佢哋有一個同期同學叫葉暐,你唔會記得佢個名,但你肯定會睇過佢嘅作品,因為佢已經喺無綫默默做咗18年,演出過逾百套劇集,可惜星途依然暗淡。

 

(葉暐微博)

時也命也,佢拍咗超過150套劇集,講勤力,佢唔會比馬國明差,不過星途一直暗淡。佢係喺《十兄弟》中飾演大口九令人較為深刻,兩年前仲因為無綫減薪而離巢:「本身我仲有兩年約,不過人工減咗之後我都係決定唔再繼續。其實咩原因減咗我都唔知,都減咗成3份1,本身份糧其實都唔夠使,要靠屋企人支持。做咗十八年,咁樣減人工繼續落去都無意思,我又唔係新人。」言語間都感到佢意興闌珊。

 

《十兄弟》中飾演大口九(葉暐Facebook)

 

黃翊(左)與葉暐(葉暐Facebook)

不過葉暐冇記恨TVB:「其實每個機構都會發生呢啲事情,雖然真正原因我唔知,不過所有公司都係睇你個價值,如果公司角度覺得你係貶緊值嘅咪會減你人工。我地藝人呢行好睇天時地利人和,做得好嘅,咪可以繼續留低。我無嬲到公司,只係有唔開心,公司亦都無炒我,佢有畀時間我去考慮,始終都做咗十八年喇,其實係有啲失落。」佢話自己可能返上大陸發展。

 

(葉暐(上)Facebook)

日前第14期藝員訓練班成班同學出嚟聚餐,葉暐就喺社交網分享同馬國明合照並留言:「今晚是我們《TVB第14期藝員訓練班聚餐》,難得相識 20年,大家還能保存著一份珍貴的友誼,實屬難得。同時也希望馬國明今年能夠得到視帝,為我們14期藝員訓練班爭光。」雖然佢嘅星途不及朋友耀眼,但仍然送上最真摯嘅祝福,非常大方。

 

葉暐(左)與馬國明(葉暐Facebook)

 

馬國明(左)與葉暐(葉暐微博)

 

葉暐(左)與楊明(葉暐微博)

 

入行多年,相識滿天下。(葉暐Facebook)

 

同期出道嘅吳卓羲(左)喺圈中同樣如魚得水,葉暐都一樣戥朋友開心。(葉暐微博)

 

延伸閱讀:

用户评论
你可能會喜歡
X
檢舉
請使用真實的郵箱如無法和您取得聯繫我們將無法對您的檢舉進行處理